«inson huquqlari» tegli maqolalar
O‘zbekistonda Inson huquqlari uyi ochiladi
O‘zbekistonda inson huquqlari faoliyatini kuchaytirish maqsadida tuzilgan Inson huquqlari uyi 3-dekabrdan ish boshlaydi. Ushbu maydonda xalqaro va milliy hujjatlar, inson huquqlari bo‘yicha ilmiy tadqiqotlar va tahliliy hisobotlar kutubxonasi yaratilgan.
Sheroboddagi hibsxonada mahbuslar uchun yetarli sharoitlar yaratilmagani aniqlandi
Surxondaryo viloyati Sherobod tumanidagi vaqtincha saqlash hibsxonasida mahbuslarga yetarli sharoitlar yaratilmagan, deya ombudsman monitoring natijalarini e’lon qildi. Kameralarda qator jihozlar yetishmaydi, choyshab va yostiq jildlari ham monitoring kuni almashtirilgan, yuvinish xonalari gigiyenaga javob bermaydi.
O‘zbekistonda shaharsozlik bo‘yicha qarorlar jamoatchilikning mazmunli ishtirokini nazarda tutmaydi — BMT maxsus ma’ruzachisi
O‘zbekistonda shaharni yangilash bo‘yicha misli ko‘rilmagan loyihalar amalga oshirilmoqda, bu uchun esa ba’zan butun mavzelar buzib tashlanmoqda. Ko‘pincha bu yetarli qonuniy asossiz sodir bo‘lyapti. BMTning uy-joy huquqi bo‘yicha maxsus ma’ruzachisi mamlakatga tashrifi yakunlari bo‘yicha shunday xulosaga keldi.
Akmal Saidov BMT Inson huquqlari qo‘mitasi a’zosi bo‘ldi
Inson huquqlari bo‘yicha milliy markaz direktori, akademik Akmal Saidov 2025—2028-yillarga mo‘ljallangan BMT Inson huquqlari qo‘mitasiga a’zo bo‘ldi. BMTning mazkur organiga O‘zbekistondan birinchi marta vakil saylandi.
Rossiya davlat ommaviy axborot vositalari ritorikasi genotsidga da’vatga o‘xshaydi — BMT
Rossiya ommaviy axborot vositalarining Ukrainadagi urush haqidagi ritorikasini genotsidga chorlash deb hisoblash mumkin, deya ta’kidladi BMT komissiyasi. Rossiya armiyasining harbiy jinoyatlari, jumladan, fuqarolik infratuzilmasiga hujumlari va qiynoqlarga yo‘l qo‘yganiga oid ko‘plab dalillar ham to‘plandi.
AQSh “Tolibon”ni inson huquqlarini hurmat qilishga chaqirdi
AQSh “Tolibon” harakatini “inson huquqlari bilan bog‘liq vaziyatning yomonlashishiga olib keluvchi siyosatini, ayniqsa, ayollarga nisbatan qayta ko‘rib chiqishga” chaqirdi. “Tolibon”, o‘z navbatida, Afg‘oniston Markaziy bankining muzlatilgan aktivlarini qaytarishni so‘radi.
1-iyundan nimalar o‘zgaradi?
Tadbirkorlar kunu tun savdo qilishiga ruxsat beriladi, endi chaqaloqlarning guvohnomalari FHDYOdan emas, balki tug‘ruqxonani o‘zidan olinadi, “To‘maris izdoshlari” guruhlari faoliyati yo‘lga qo‘yiladi, qishda talafot ko‘rgan tadbirkorlarga berilgan kredit ta’tillari tugaydi — 1-iyundan nimalar o‘zgaradi?
“Sog‘lom fuqarolik jamiyati davlat boshqaruvi tizimi yaxshi ishlashi uchun zarur” — YeI maxsus vakili
YeIning inson huquqlari bo‘yicha maxsus vakili Eymon Gilmor O‘zbekistonga ilk bor tashrif buyurib, adliya, ichki ishlar vazirlari va bosh prokuror, shuningdek, mamlakat prezidenti bilan uchrashuvlar o‘tkazmoqda. “Gazeta.uz” undan tashrif maqsadi va O‘zbekistondagi inson huquqlari ahvolini qanday baholashini so‘radi.
OTMlarning o‘quv dasturiga inson huquqlari bo‘yicha kurslar kiritiladi
2023/2024 o‘quv yilidan boshlab professional va oliy ta’lim tizimida «Inson huquqlari», «Ayollar huquqlari» va «Bola huquqlari» bo‘yicha o‘quv va maxsus kurslar joriy etiladi.
BMT Afg‘oniston hukumatini ayollarga nisbatan zulm o‘tkazish siyosatidan voz kechishga chaqirmoqda
BMTning Inson huquqlari bo‘yicha Oliy komissari Afg‘oniston muvaqqat hukumati tomonidan ayollar huquqlarining cheklanishini «ayollarga nisbatan institutsional tizimli zulm» deb atadi. Shu bilan birga, mamlakatdagi gumanitar inqiroz fonida aholining 93 foizi to‘yib ovqatlanmaydi, deya ma’lum qildi BMT.
Afg‘onistonda ayollarga hijob o‘rash shart etib belgilandi
Afg‘onistonning Tolibon hukumati ayollardan jamoat joylarida hijob o‘rab yurishni talab qilmoqda. Mazkur tartibga bo‘ysunmagan ayollar davlat ishlaridan bo‘shatiladi. 2001 yilgacha toliblar hukmronligi davrida ham hijob majburiy edi.
«Inson huquqlari uchun mas’uliyatni zimmaga olish kerak» — Amnesty International
O‘zbekistonda inson huquqlari sohasidagi yaxshilanishlar bilan bir qatorda, so‘z erkinligi, uyushmalar va tinch yig‘ilishlar erkinligiga nisbatan cheklovlar saqlanib qolmoqda, deyiladi Amnesty International hisobotida. Dunyoda so‘z, vijdon erkinligi, yig‘ilish erkinligi va boshqa erkinliklarga nisbatan tazyiq kuchaymoqda, deya ta’kidladi inson huquqlari tashkiloti.
Qiynoq qurbonlariga tovon to‘lash taklif qilindi
Deputatlar qiynoqlardan jabrlanganlarga tovon puli to‘lashni nazarda tutuvchi Fuqarolik kodeksiga o‘zgartirishlar kiritish to‘g‘risidagi qonun loyihasini birinchi o‘qishda ma’qulladi. Inson huquqlari bo‘yicha Milliy markaz rahbarining birinchi o‘rinbosari mazkur hujjat BMT Qo‘mitasi va maxsus ma’ruzachisi tavsiyalarini inobatga olgan holda, shuningdek, O‘zbekiston obro‘siga putur yetkazuvchi va uning manfaatlariga ta’sir etuvchi qiynoq holatlari, GSP+ bo‘yicha majburiyatlar hamda boshqa omillar tufayli qabul qilinishi zarur ekanligini ta’kidladi.
AQSh senatorlari Davlat departamenti va prezidentni O‘zbekistonga bosim o‘tkazishga chaqirdi
AQSh senatorlar guruhi Oq uy va Davlat departamentini inson huquqlari bilan bog‘liq vaziyat sababli O‘zbekistonga bosim o‘tkazishga chaqirdi. Ularning fikricha, O‘zbekistondagi islohotlar sustlashgan, mamlakatda erkin so‘z huquqi cheklanmoqda. OAV faoliyatida ham muammolar kuzatilmoqda.
O‘zbekiston qamoqxonalari xodimlariga Nelson Mandela qoidalarini qo‘llash bo‘yicha trening o‘tkazilmoqda
O‘zbekistondagi jazoni ijro etish muassasalari xodimlari uchun «Nelson Mandela qoidalarining asosiy tamoyillari» treningi o‘tkazilmoqda. Unda, jumladan, qamoqxonalarda qiynoqlarning oldini olish ko‘nikmalari ham o‘rgatiladi.
BMT davlat to‘ntarishi ishi bo‘yicha qamalgan sobiq diplomat Qodir Yusupovni himoya qilib chiqdi
BMTning O‘zboshimchalik bilan hibsga olish bo‘yicha ishchi guruhi O‘zbekistonni davlat to‘ntarishi to‘g‘risidagi ish bo‘yicha qamalgan sobiq diplomat Qodir Yusupovni zudlik bilan ozod qilishga chaqirdi. Oltita inson huquqlari tashkiloti ham xuddi shu bayonot bilan chiqdi.
Prezident BMT Inson huquqlari bo‘yicha kengashi sessiyasida nutq so‘zladi
Shavkat Mirziyoyev BMT Inson huquqlari bo‘yicha kengashining 46-sessiyasida nutq so‘zladi. Uning nutqidan asosiylari: yaqin vaqt ichida parlament Nogironlar huquqlari to‘g‘risidagi konvensiyani ratifikatsiya qiladi, bu yil yana 20 mingdan ziyod kishi O‘zbekiston fuqaroligiga ega bo‘ladi, qiynoqlarning har qanday ko‘rinishiga bundan buyon ham mutlaqo yo‘l qo‘yilmaydi, O‘zbekiston bu bo‘yicha maxsus ma’ruzachini taklif etishni ko‘zlamoqda, qolaversa, Inson huquqlari bo‘yicha Oliy komissar tashrifi ham kutilmoqda.
Shavkat Mirziyoyev BMTning Inson huquqlari bo‘yicha kengashi yig‘ilishida ishtirok etadi
O‘zbekiston prezidenti BMTning Inson huquqlari bo‘yicha kengashi yig‘ilishida nutq so‘zlaydi. Shavkat Mirziyoyev mamlakatda demokratik yangilanishlarni chuqurlashtirishning ustuvor yo‘nalishlari hamda Inson huquqlari bo‘yicha kengash doirasidagi ishlarning asosiy vazifalariga to‘xtalib o‘tadi.
O‘zbekiston ilk bor BMTning Inson huquqlari bo‘yicha Kengashiga a’zo bo‘ldi
O‘zbekiston tarixda birinchi marotaba uch yil muddat mobaynida BMTning Inson huquqlari bo‘yicha Kengashiga a’zo 47 davlatdan biri sifatida faoliyat yuritadi.
Odam savdosi jabrdiydalarini reabilitatsiya qilish markazlari ko‘payishi kutilmoqda
Qoraqalpog‘iston Respublikasi, Farg‘ona va Samarqand viloyatlarida odam savdosi jabrdiydalarini reabilitatsiya qilish markazining 30 o‘rinlik hududiy bo‘linmalari tashkil etilishi kutilmoqda. Respublika reabilitatsiya markazi uchun ajratilgan o‘rinlar soni esa 50 taga oshiriladi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting